Keıbir dúkenderde kompıýter jetispeýshiligi máselesi bar – mınıstr
NUR-SULTAN. QazAqparat – Elimizdegi keıbir aımaqta qarjy bólinip, tıisti qarjylyq múmkindik bolǵannyń ózinde sonshama kompıýterdi qysqa merzim ishinde satyp alý ońaıǵa túspeıdi. Bul týraly Ortalyq kommýnıkatsııalar qyzmetinde ótken mektep oqýshylarynyń ІV toqsanda qashyqttan oqý júıesine arnalǵan onlaın konferentsııada aıtyldy, dep habarlaıdy QazAqparat tilshisi.
«Almaty qalasynda qysqa merzim ishinde 4 220 roýter taratylyp, oqýshylardyń kompıýterlerin ınternetke qosty. Nur-Sultan qalasy boıynsha 5 583 otbasyndaǵy kompıýter ınternetke qosyldy. Bul jumys barlyq óńirde jalǵasyn tabady. Roýter satyp alý úshin de biraz ýaqyt kerek. Keıbir aımaqta qarjy bólinip, tıisti qarjylyq múmkindik bolǵannyń ózinde sonshama kompıýterdi qysqa merzim ishinde satyp alý qıyn bolyp jatyr. Keıbir dúkenderde kompıýter jetispeýshiligi máselesi bar. Osy máseleniń sheshilýi biraz ýaqytty qajet etedi, degenmen kóbinese bul másele rettelip keledi», - deıdi QR Bilim jáne ǵylym mınıstri Ashat Aımaǵambetov.
