Keıbir bilim berý obektilerinde órt qaýipsizdigi boıynsha talaptardy oryndaý jóninde tolyq sharalar qabyldanbaǵan - QR TJM
ASTANA. 22 tamyz. QazAqparat - Keıbir bilim berý obektilerinde órt qaýipsizdigi boıynsha talaptardy oryndaý jóninde tolyq sharalar qabyldanbaǵan.
Bul týraly búgin Astanada ótken brıfıngte QR TJM baspasóz qyzmetiniń bas mamany Eldor Raıymbekov málim etti.
«Bilim berý obektilerindegi órt qaýipsizdigi Qazaqstan Respýblıkasy Tótenshe jaǵdaılar mınıstrliginiń erekshe baqylaýynda. 2012 jylǵy naýryz-sáýir aılarynda respýblıkanyń barlyq oqý oryndarynyń órtke qarsy jaı-kúılerine keshendi tekserý júrgizildi, olardyń nátıjeleri boıynsha bilim berý uıymdarynyń basshylaryna aıqyndalǵan buzýshylyqtarmen aktiler tapsyryldy. Alaıda, shilde-tamyz aılarynda júrgizilgen tekserýlerdiń nátıjeleri bilim berý obektilerinde órt qaýipsizdigi boıynsha talaptardy oryndaý jónindegi tolyq sharalar qabyldanbaǵanyn kórsetti», - dedi ol.
Qazirgi tańda memlekettik órt baqylaý organdary 2623 obektiniń órtke qarsy ahýalyna baqylaý-tekserýler júrgizdi, onyń barysynda 5 myńnan asa órtke qarsy normalar men erejeler saqtalmaǵany anyqtaldy.
E. Raıymbekovtyń sózinshe, 3 mln. 346 myń teńge kóleminde aıyppul túrinde ákimshilik jaýapkershilikke 524 laýazymdy tulǵa tartylǵan.
Órtke qarsy qaýpi bar 52 oqý ornyna qatysty mamandandyrylǵan óńiraralyq ekonomıkalyq sottarǵa kemshilikterdi joıýǵa deıin olardy paıdalanýdy toqtata turýǵa talap-aryz jiberildi.
