Keıbir aımaqtarda áli de órt qaýpi bar

ASTANA. QazAqparat - Qazgıdromet el aýmaǵynda 6 qyrkúıekte bolatyn qaýipti meteorologııalyq qubylystarǵa boljam jasady, dep habarlaıdy QazAqparat.

Burynǵysynsha elimizdiń basym bóliginde atmosferalyq frontaldy bólimderdiń ótýimen aýa raıynyń turaqsyz sıpaty saqtalady, jańbyr jaýady, Qazaqstannyń shyǵysynda kúndiz qatty jańbyr jaýady. Eldiń soltústik-batysynda, ońtústiginde, ońtústik-shyǵysynda jáne ortalyǵynda negizinen jaýyn-shashynsyz aýa raıy kútiledi. Respýblıka boıynsha naızaǵaı, ekpindi jel turyp, respýblıkanyń soltústiginde, taýly aýdandardyń ońtústik-shyǵysynda burshaq jaýady. QR soltústik-batysta, soltústikte, ortalyǵynda tuman túsedi.

«Jambyl oblysynda, Qyzylorda oblysynyń shyǵysynda, ońtústiginde, ortalyǵynda, Atyraý oblysynyń soltústik-batysynda, ońtústiginde, Aqtóbe oblysynyń batysynda, Batys Qazaqstan oblysynyń ońtústik-batysynda, soltústik-batysynda, soltústiginde, shyǵysynda tótenshe órt qaýpi saqtalady.

Batys Qazaqstan oblysynyń ortalyǵynda, ońtústiginde, Qaraǵandy oblysynyń ońtústiginde, Ulytaý oblysynda, Mańǵystaý oblysynyń soltústik-batysynda, ońtústiginde joǵary órt qaýpi bar», - dep jazdy sınoptıkter.