Keı óńirlerde jańbyr men burshaq jaýýy múmkin
ASTANA. KAZINFORM — Tek Qazaqstannyń ońtústiginde aýa raıy turaqty túrde ystyq bolady.
Aldaǵy kúnderi Qazaqstan aýmaǵyndaǵy aýa raıyn birneshe barıkalyq túzilis qalyptastyrady. Aldymen soltústik tsıklon Qazaqstannyń batysynan shyǵysyna qaraı jyljıdy, onyń áserinen jańbyr jaýyp, naızaǵaı oınap, jel kúsheıedi.
Keı jerlerde burshaq jaýýy múmkin. 15 tamyzda tsıklonnyń artynan antıtsıklon jyljı bastaıdy. Onyń áserinen jaýyn-shashyn toqtap, elimizdiń batys óńirlerinde aýa temperatýrasy tómendeıdi.
Tek Qazaqstannyń ońtústiginde aýa raıy turaqty túrde ystyq bolady. Ońtústik aýa aǵyndary jaýyn-shashynsyz aýa raıy men joǵary temperatýralyq fondy saqtaıdy. Kúndiz aýa temperatýrasy +37…+42 °C-qa deıin kóterilip, qatty ystyq bolady.
Aıta ketelik eldiń soltústiginde jáne batystyń keı jerlerinde aptap ystyq basylatyny týraly jazǵan edik.
