Keı óńirlerde 43 gradýsqa deıin ystyq bolady
ASTANA. QazAqparat - «Qazgıdromet» RMK 4-6 shildege arnalǵan aýa raıy boljamyn málim etti, dep habarlaıdy QazAqparat.
«Eldiń kóptegen oblystarynda ystyq jáne qurǵaq aýa raıynyń qalyptasýyna Qazaqstanǵa jyljyǵan antıtsıklon yqpal etti. Osy kúnderi tek soltústik jáne soltústik-shyǵys aımaqtarda jańbyr jaýyp, temperatýra klımattyq normadan tómen boldy.
Al aldaǵy úsh táýlikte, atmosferalyq fronttardyń áserinen respýblıkanyń batys, soltústik jáne shyǵysyndaǵy jekelegen jerlerde ótkinshi jańbyr men naızaǵaı kútiledi. Naızaǵaı kezinde ekpindi jel soǵady. Aýa temperatýrasy qalypty normada bolatyny boljanady. Qazaqstannyń qalǵan aımaqtarynda ystyq aýa raıy saqtalady, termometr kórsetkishi keı jerlerde 38-43 gradýsqa deıin joǵarylaıdy, ádettegiden 4-8ºS joǵary bolady dep kútilýde», - delingen taratylǵan habarlamada.
Astana boıynsha konsýltatıvtik aýa raıy boljamy
4 shilde: kóshpeli bult shyǵady, ótkinshi jaýyn jaýyp, kún kúrkireıdi, burshaq jaýýy múmkin. Ońtústik-batystan 9-14 m/s jel soǵady. Túnde aýa temperatýrasy +19+21°S, kúndiz +30+32°S.
5 shilde: kóshpeli bult shyǵady, ótkinshi jaýyn jaýyp, kún kúrkireıdi. Soltústik-batystan 9-14 m/s ekpinmen soqqan jel soltústik-shyǵysqa aýysady. Túnde aýa temperatýrasy +16+18°S, kúndiz +26+28°S.
6 shilde: kóshpeli bult shyǵady, kúndiz jaýyn jaýyp, kún kúrkireıdi. Ońtústik-shyǵystan 9-14 m/s jel soǵady. Túnde aýa temperatýrasy +13+15°S, kúndiz +28+30°S.
Almaty boıynsha konsýltatıvtik aýa raıy boljamy
4 shilde: aýyspaly bult shyǵady, jaýyn-shashynsyz. Jel - 0-5 m/s. Túnde aýa temperatýrasy +20+22°S, kúndiz +34+36°S.
5 shilde: kóshpeli bult shyǵady, jaýyn-shashynsyz. Jel - 0-5 m/s. Túnde aýa temperatýrasy +21+23°S, kúndiz +34+36°S.
6 shilde: kóshpeli bult shyǵady, jaýyn-shashynsyz. Jel - 0-5 m/s. Túnde aýa temperatýrasy +22+24°S, kúndiz +35+37°S.
