Keı aımaqtarda jeke turǵyn úı qurylysyna ınfraqurylymy joq jer telimderi bólinip jatyr - Úkimet otyrysy
ASTANA. 8 mamyr. QazAqparat - Keıbir óńirlerde jeke turǵyn úı qurylysyna ınfraqurylymy jasaqtalmaǵan jer telimderi bólinip jatyr.
Bul týraly búgin selektorlyq rejimdegi Úkimet otyrysynda Jer resýrstaryn basqarý agenttiginiń basshysy Qadyrhan Otarov málim etti.
«Keıbir oblystarda jer telimderin jeke turǵyn úı qurylysyna berý jalǵasýda. Bıylǵy jyldyń basynan beri respýblıka boıynsha 2 myńǵa jýyq jer ýchaskesi bólindi. Olardyń ishinde 56 paıyzy daıyndalmaǵan alańdardan berilgen»,-dep atap ótti agenttik tóraǵasy.
Osy turǵyda ol ákimdikterge jer zańnamasyna sáıkes jer telimderin tek ınfraqurylymy jasaqtalǵan alańdardan berýge nazar aýdarý kerektigin qadap aıtty.
