Keı adamdarǵa 5 saǵattyq uıqy jetkilikti – Focus
NUR-SULTAN. QazAqparat – «Deni saý bolǵysy keletin adam jaqsy uıyqtaýy kerek. Biraq nelikten keı adamdar az uıyqtasa da, tyń júredi? AQSh ǵalymdary bul suraqtyń jaýabyn tapty», dep jazady Focus.
Kalıfornııa ýnıversıtetiniń bıology In Hýeı-Fý áriptesi Lýı Ptachekpen birge az uıyqtasa da, uıqylary qanyp júretin adamdardyń qanyna taldaý jasady. Zertteýge qatysqan adamdar kúnine alty saǵattan az uıyqtaıdy eken.
«Ǵalymdardyń maqalasy Science Translational Medicine jýrnalynda jarııalandy. Onda az uıyqtaıtyn adamdardyń geninde mýtatsııa bary anyqtalǵan. Mundaı adamdar az uıyqtasa da, este saqtaý qabileti ózgermeıdi», dep jazady basylym.
Ǵalymdar mundaı gendi ózgeris adamdarǵa uıqyny tıimdi jumsaýǵa múmkindik beretinin aıtty. Degenmen, bul zertteý nátıjesi uıyqtaı almaı júretin adamdarǵa arnalǵan preparat daıyndaýǵa septigin tıgize alady.
