Keı adamdarda vırýsqa qarsy antıdene nelikten qalyptaspaıdy
NUR-SULTAN. QAZAQPARAT – Koronaırýspen aýyrsa da aǵzasynda antıdene qalyptaspaıtyn adamdar bar. Olardyń naqty sanaty belgili me? Ortalyq kommýnıkatsııalar qyzmetinde medıtsına mamandaryna osyndaı saýal qoıyldy, dep habarlaıdy QazAqparat tilshisi.
Profılaktıkalyq medıtsına akademııasynyń prezıdenti, Amerıka densaýlyq saqtaý qaýymdastyǵynyń múshesi Almaz Sharman ǵalymdar bul máseleni zerttep jatqanyn, ázirge ondaı adamdardyń sanaty týraly naqty statıstıka joq ekenin aıtty.
Al joǵary sanatty ınfektsıonıst, medıtsına ǵylymdarynyń kandıdaty Sáýle Atyǵaeva ımmýndyq júıesinde aqaýy bar adamdar antıdeneler shyǵarmaıdy dep boljaý qısyndy ekenin aıtady.
«Bastapqy jáne qaıtalama ımmýn tapshylyǵy bar naýqastar ınaktıvtendirilgen vırýsqa da, vırýstyń RNQ-bólikterinen jasalǵan vaktsınaǵa jaýap qata almaıdy. Negizinen, bul sozylmaly syrqatpen jıi aýyratyn jáne sonyń saldarynan dárini kóp ishetin adamdarda nemese ımmýn tapshylyǵyn týdyratyn emdeý áserine túsken adamdarda kezdesedi. Osy sanattaǵy adamdardyń aǵzasy antıdeneler shyǵarmaıdy. Sondaı-aq, vaktsına alǵan adamdardyń 5%-y aýrýdyń qozdyrǵyshyna qarsy eshqandaı antıdene shyǵarmaıdy», - dep túsindirdi Sáýle Atyǵaeva.
