Keı adamdar jylymyqty paıdalanyp, áleýmettik jelige jappaı shyǵa bastady - Prezıdent

NUR-SULTAN. QazAqparat – Keı adamdar jylymyqty paıdalanyp, áleýmettik jelige jappaı shyǵa bastady. Bul týraly QR Prezıdenti Qasym-Jomart Toqaev Ýkraınadaǵy soǵysqa qatysty pikir bildirdi, dep habarlaıdy QazAqparat tilshisi.

«Osy oraıda partııa óz jumysyn jandandyryp, uıymnyń rólin kúsheıte túskeni jón. Jyldar boıy únsiz bolǵan, saıasatpen aınalysyp júrgen keıbir adamdar qazirgi jylymyqty paıdalanyp, áleýmettik jelige jappaı shyǵa bastady. Olar aqparattyq keńistikti jaılap aldy deýge bolady. Neshe túrli qaýeset, jalǵan aqparat tarap jatyr», - dedi Memleket basshysy partııasynyń kezekten tys sezinde.

QR Prezıdenti mundaı ahýal eldi adastyrýy múmkin ekendigin eskertti.

«Ashyǵyn aıtsaq, bizdiń josparlarymyzdy, qolǵa alyp jatqan is-sharalarymyzdy kópshilik bile bermeıdi. Partııa belsendileri zamanaýı aqparat quraldaryn paıdalanyp, saıasatymyzdy jurtqa jan-jaqty túsindirýi qajet», - dedi Qasym-Jomart Toqaev.