Kevın Speısıdi hattary arqyly qorqytqan amerıkalyq áıel 4 jylǵa sottaldy
ASTANA. QazAqparat - AQSh-taǵy Massachýsets shtatynyń turǵyny Lında-Lýız Kalkın 4 jylǵa sottaldy. Ol gollıvýd akteri Kevın Speısıdi qorqytyp hat joldaǵan.
Amerıkalyq BAQ habarlaǵandaı, bul úkimdi Boston soty shyǵardy.
Tergeý derekterinshe, elektrondyq poshtaǵa jiberilgen hattarda 55 jastaǵy Kalkın Speısıdi «kınap, jaryp jiberetini» týraly jazǵan.
Kalkın 2012 jyldyń qańtarynda ustaldy. Osy kúnge deıin túrmede otyrǵan. Endi ol bir jarym jyldan kem ýaqyt jazasyn óteıtin bolady. Sonymen qatar, amerıkalyq áıel akterge 124 myń dollar tóleýge májbúr. Bul qarajatty akter kúzetshilerdi jaldaý úshin jumsaǵan.
Speısı "Kúdikti tulǵalar" (The Usual Suspects, 1995) jáne "Amerıkalyq ásemdik " (American Beauty, 1999) kınolaryndaǵy rólderi úshin "Oskara" syılyǵyna ıe bolǵan.
