Keýdesimen granatany japqan polkovnık Serik Sultanǵabıev RF «Jaqsylyq jasaýǵa asyǵyńyzdar» medalimen marapattaldy
ASTANA. QazAqparat - Keýdesimen granatany japqan Qazaqstannyń týmasy, RF áskerı qyzmetshisi Serik Sultanǵabıev Reseı Federatsııasyndaǵy Adam quqyqtary jónindegi ýákiletti organnyń «Jaqsylyq jasaýǵa asyǵyńyzdar» medalimen marapattaldy.
«Marapattaý rásimi 17 jeltoqsanda ótti», - dep habarlandy Reseı Federatsııasynyń Adam quqyqtary jónindegi ýákiletti organynyń saıtynda.
Eske salsaq, 2014 jylǵy qyrkúıekte ol jarylǵaly turǵan granatadan sarbazdy qorǵap, óz keýdesin oqqa tosqan. Áskerı bólimde ótken oqý-jattyǵýda serjant Alekseı Telenın jaýyngerlik granatany qolynan túsirip aldy. Serik Sultanǵabıev sarbazdy ıterip jiberip, snarıadtyń ústine qulaǵan. Polkovnık aýyr jaraqattandy. Oǵan resmı túrde «Reseı batyry» ataǵy berilip, ІІM bas áskerı gospıtalinde altyn juldyz tabys etildi.
