Ketrın Eshton EO dıplomatııasynyń basshysy qyzmetinde ekinshi merzimge qalýdan bas tartyp otyr
ASTANA. 17 naýryz. QazAqparat - Eýropalyq Odaqtyń Syrtqy ister jáne qaýipsizdik saıasaty jónindegi joǵarǵy ýákili Ketrın Eshton osy qyzmetine ekinshi márte saılaýǵa túsýge nıetti emes ekenin jetkizdi. Bul jaıynda Deutsche Welle habarlady.
«Bul aıtarlyqtaı aýyr jumys. Osy oraıda kóp ýaqyt boıy saparda júrip, ushaqta otyrýǵa týra keledi. Sondyqtan da bul qyzmetti basqa bireýge bergendi jón sanaımyn»,-dedi ol keshe Brıýsselde. Onyń ókilettiliginiń ýaqyty 2014 jyldyń 31 qazanynda aıaqtalady.
Aıta keteıik, K. Eshton EO-nyń memleket jáne úkimet basshylarymen eýropalyq dıplomatııanyń basshysy bolyp 2009 jyldyń qazanynda 5 jyl merzimge saılanǵan bolatyn. Lıssabon kelisimine sáıkes bul laýazymdy qyzmetke ekinshi márte otyrýǵa múmkindik beredi.
