Ketı Perrı «Tvıtterine» 100 mln. jazylýshy tirkelgen álemdegi alǵashqy adam atandy
ASTANA. QazAqparat - Amerıkalyq ánshi Ketı Perrı "Tvıtterine" 100 mln-nan astam adam jazylǵan álemdegi alǵashqy áleýmettik jeli qoldanýshysy atandy, dep jazady Bı-bı-sı.
Ártistiń "Tvıtterdegi" paraqshasynda osyǵan baılanysty mıkroblogtar saıty ákimshiligi atynan post jarııalandy.
"Búgin biz úlken tarıhtyń kýásimiz", - delingen onda jáne ánshi birinshi bolyp 100 mln. follover jınaǵany aıtylady.
Twitter óz quttyqtaýynda Ketı Perrıdiń maýsymda shyqqan jańa albomynyń ataýy - "Kýáger" ("Witness") sózin paıdalandy.
Jazylýshylar sany boıynsha ekinshi orynda kanadalyq ánshi Djastın Bıber tur. Ony "Tvıtterde" 98 mln adam oqıdy.
