Ketı Frımenniń Olımpıada alaýyn tutatqanda kıgen kombınezony 14 jyldan soń tabyldy
ASTANA. QazAqparat - Avstralııalyq jeńil atletshi qyz Ketı Frımenniń 2000 jyly Sıdneıdegi Olımpıada alaýyn tutatqanda ústine kıgen aq kombınezony tabyldy. Shara aıaqtalǵan soń birden kıim aýystyratyn jerden joǵalyp ketken bul kostıýmdi qupııa qalýdy jón sanaǵan belgisiz bireý Melbýrndegi sport murajaıyna jibergen. Onyń rastyǵyn anyqtaý úshin endi kıimge DNK saraptamasy júrgizilmek.
«Biz bul kostıým qaıta tabylady dep oılaǵan joqpyz. Sondyqtan ony Santa-Klaýstyń Rojdestvoǵa bizdiń olımpıadalyq qozǵalysymyzǵa jasaǵan syılyǵy dep sanaımyz», - deıdi murajaı qyzmetkerleri. Avstralııalyq Ketı Frımen sol 2000 jyly ótken Oıyndarda óz quramasynyń sımvolyna aınalǵan edi. Ol osy saıysta 400 metrlik qashyqtyqqa júgirýden «altyn» júldeni jeńip aldy, dep habarlady euronews.
