Kesirtkeler men jarqanattar Berlındegi turǵyn úı qurylysyna kedergi keltirip jatyr
ASTANA. KAZINFORM – Berlınde turǵyn úı tapshylyǵy men janýarlar túrlerin saqtaý máselesi arasynda erekshe qaıshylyq týyndady. Bild gazetiniń habarlaýynsha, kishkentaı ǵana kesirtke el astanasyndaǵy alǵashqy záýlim turǵyn úı ǵımaratynyń qurylysyn baıaýlatýy múmkin, dep habarlaıdy Euronews.
Bıiktigi 167 metr bolatyn, myńnan astam páteri bar munarany Warschauer Brücke kóshesinde salý josparlanǵan. Alaıda qurylys alańynyń dál janynda qatań qorǵalatyn tirshilik ıesi – qum kesirtkesi mekendeıdi. Sarapshylardyń esebinshe, bolashaq ǵımarat onyń meken etý aýmaǵynyń edáýir bóligin kóleńkede qaldyrady. Áńgime bolashaqta kún sáýlesi az túsetin 1300 sharshy metrden astam aýmaq týraly bolyp otyr.
Bul ásirese jylýdy súıetin janýarlar úshin úlken másele bolýy múmkin. Sondyqtan jobany júzege asyrý úshin aýqymdy qorǵanys sharalaryn qabyldaý josparlanǵan.
Bild gazetiniń málimetine s.ıensek, janýarlardy qurylys alańynan aýlaq ustaý úshin jerge 20 santımetr tereńdikke kómilgen PVH úldirinen qorshaý ornatylady. Sonymen qatar qum men qýraǵan aǵashtardan arnaıy balama meken etý aımaqtary jasalady.
Munda basqa janýarlar da mańyzdy ról atqarady: tańerteń erte jáne keshki ýaqytta qurylys jumystary ýaqytsha toqtatylýy tıis, al ińir túsken kezde krandardyń qozǵalýyna múlde tyıym salynady. Sebebi dál osy ýaqytta jarqanattar qorek izdep ushyp júredi jáne tehnıkamen soqtyǵyspaýy kerek.
Tipti qundyzdardyń da áseri bar: olardyń qurylys alańyna kirip ketýine jol bermeý úshin aýmaqty turaqty túrde kúzetý qajet, óıtkeni olar nebári birneshe júz metr qashyqtyqta tirshilik etedi.
Túrlerdi qorǵaý qajettiligine qaramastan, keıbir saıasatkerler turǵyn úı qurylysyna kóbirek kóńil bólýge shaqyryp jatyr. Jalǵa alý aqysynyń ósýi men baspana tapshylyǵy jaǵdaıynda qurylysty jedeldetýge qyzyǵýshylyq artyp keledi.
HDS/HSS parlamenttik fraktsııasynyń qurylys saıasaty jónindegi ókili ıAn-Marko Lýchak Bild basylymyna bergen jaýabynda Berlınde «myńdaǵan páter» jetispeıtinin atap ótti.
– Sonyń saldarynan jaldaý aqysy ósip, páter alýǵa degen kezek barǵan saıyn uzaryp barady. Bizge qoljetimdi turǵyn úıdi kóbirek salý qajet jáne bul absolıýtti basymdyqqa aınalýy tıis. Mıllıondaǵan jyldyq sátti evolıýtsııadan keıin qum kesirtkesi eshqandaı resmı ruqsatsyz-aq kúnniń jyly jerin ózi tabatyny anyq, – dedi Lýchak.
Eske sala ketsek, Germanııada qulap qalǵan 55 jasar pildi qutqarý operatsııasy dramaǵa aınalǵanyn jazdyq.
Sondaı-aq Germanııada 360 metrlik álemdegi eń bıik jel týrbınasy salynyp jatyr.
