Keshiktirilgen tólemderge aıyppul salynbaıdy – Ulttyq bank

NUR-SULTAN. QazAqparat – Eldegi tótenshe jaǵdaıǵa baılanysty ýaqytynan keshiktirilgen tólemder úshin aıyppul salynbaıdy, dep habarlaıdy QazAqparat «Habar 24» telearnasyna silteme jasap.

Qazaqstanda bankter dúısenbige deıin jumys istemeıdi. Bul týraly atalǵan telearnaǵa QR Ulttyq bankiniń baspasóz hatshysy Oljas Ramazanov málim etti.

«Ázirge tek bankomattar ǵana halyqqa qoljetimdi. Al keshiktirilgen tólemderge aıyppul salynbaıdy. Kaspi.kz, Halyk, Forte, Tsentr kredıt, Altyn bank pen Home kredıt ókilderi kúni keshe osyndaı habar taratqan edi. Búgin bulardyń qataryna Alfa bank te qosyldy. Olar qańtardyń 5-i men 19-y aralyǵynda ıpotekasyn tóleı almaǵandarǵa ósimaqy júrmeıdi deıdi», - dep habarlandy «Habar 24»–ten.

Telearnadan aıtylǵandaı, atalǵan sheshim eldegi jaǵdaıǵa baılanysty qabyldanyp otyr.

«Bankten qaryz alǵandar alańdamaýyna bolady», - dep sendirdi Ulttyq bank.