Keshikken poıyzdardyń jolaýshylary ótem aqy alady
7 qarashada 14 saǵat 15 mınýtta Almaty-Otar teliminiń Saz stansasynda jolaýshylar poıyzdarynyń qozǵalysy qalpyna keltirildi. Jolaýshylar poıyzdary saparlaryn kesteden keshigip jalǵastyrdy.
«Jolaýshylar tasymaly» AQ jolaýshylardy tamaqtandyrýdy uıymdastyrdy. Jolaýshylar tıisti stansalarǵa jetken soń, keshikken poıyzdarǵa baılanysty «QR temir jol kóligi týraly» jáne «Jolaýshylar, bagajdy jáne júk bagajdaryn temir jol kóligimen tasymaldaý erejesi týraly» zańdaryna sáıkes ótemaqy alady», delingen habarlamada.
Eske sala ketsek, keshe tańǵy 5 saǵat 18 mınýtta Almaty jol bólimshesiniń Almaty-Otar jelisindegi Saz stansasynda ekinshi joldan №2851 júk poıyzynyń 12 vagony shyǵyp ketken bolatyn. Oqıǵa ornynda Almaty jol bólimshesiniń qalpyna keltirý poıyzy jumys isteýde. 8 jolaýshylar poıyzy kesteden keshikti. Apat sebebin anyqtaý úshin «QTJ» UK» AQ janynan arnaıy komıssııa quryldy.
