Keshendi jekeshelendirý: Qazaqstanda 6 nysan 3,2 mlrd teńgege satyldy

NUR-SULTAN. QazAqparat - Keshendi jekeshelendirý jobasy aıasynda 6 nysan 3,2 mlrd teńgege satyldy. Bul týraly búgin Úkimet otyrysynda QR Premer-Mınıstriniń birinshi orynbasary - Qarjy mınıstri Álıhan Smaıylov aıtty, dep habarlaıdy QazAqparat tilshisi.

«2016-2020 jyldardaǵy keshendi jekeshelendirý josparynyń iske asyrylýy 93,2 paıyzdy qurady. 2020 jylǵa 68 nysandy satý josparlanǵan. Onyń 37-si satylýǵa qoıyldy. Esepti kezeńde 6 nysan 3,2 mlrd teńgege satyldy. 31 nysan saýda-sattyqqa shyǵaryldy», - dedi ol.

Onyń dereginshe, 3 nysan qaıta uıymdastyrý jáne taratýǵa jiberilip otyr.

«28 nysan jyldyń aıaǵyna deıin satylýǵa shyǵarylady», - dedi Álıhan Smaıylov.