Keshendi testileý deńgeıi Ulttyq biryńǵaı testileý deńgeıimen birdeı bolady - B. Jumaǵulov
ASTANA. 18 maýsym. QazAqparat - Keshendi testileý deńgeıi Ulttyq biryńǵaı testileý deńgeıimen birdeı bolady.
Búgin bul týraly Májiliste ótken Úkimet saǵatynda Bilim jáne ǵylym mınıstri Baqytjan Jumaǵulov málim etti.
«Kolledj bitirýshilerdiń keshendi testileý máselesine keletin bolsaq, Parlament minberinen ol synǵa alynǵan edi. Biz bul sharýamen 1 jyldan astam ýaqyt boıy aınalysyp kelemiz. Jalpy, jyl saıyn kolledj bitirýshilerdiń 70 myńǵa jýyǵy joǵary oqý oryndaryna barady. Árıne, men olardyń bári osal, bilimi tómen dep aıta almaımyn, biraq basym bóligi solaı. Sondyqtan da, biz birqatar máselelerdi eskere kele, keshendi testileýdiń deńgeıin arttyratyn bolamyz. Atap aıtqanda, kelesi jyldan bastap keshendi testileýdiń deńgeıi UBT deńgeıinde bolady», - dedi B. Jumaǵulov.
Onyń aıtýynsha, búgingi tańda elimizde árbir ýnıversıtettiń janynan kolledjder qurylǵan. Jáne olar ýnıversıtettiń daıyndyq bóligi retinde ǵana jumys istep jatyr.
«Árıne, biz buǵan qarsy emespiz. Degenmen, onda oqıtyndardyń basym bóligi ýnıversıtetke túsý sátin kútip qana otyratyn tárizdi. Minekeı, osynyń saldarynan eńbek naryǵynda sapasy múldem tómen mamandarmen tolyǵyp jatyr», - dedi ol.
