Perızat Qaırat parasport federatsııasyndaǵy qyzmetinen alyndy

ASTANA. KAZINFORM - 

Perızat Qaırat para ústel tennısi federatsııasynyń prezıdenti qyzmetinen bosatyldy, dep habarlaıdy atalǵan federatsııanyń baspasóz qyzmeti.

«Perızat Qaırattyń ustalýyna jáne tergeýge baılanysty, ol uıymnyń prezıdenti qyzmetinen bosatyldy. Sheshim 14 qarashada federatsııanyń kezekten tys jınalysynda qabyldandy. Biz paraústel tennısiniń jáne sportshylarymyzdyń damýyna qoldaý kórsete otyryp, ashyqtyq pen zańdylyq qaǵıdattaryna sáıkes jumysymyzdy jalǵastyra beremiz», - delingen habarlamada.

Uıymnyń málimetinshe, Perızat prezıdent bolyp taǵaıyndalǵannan keıin birde-bir resmı otyrys ótkizilmegen.

Eske salsaq, keshe eriktiler qozǵalysynyń belsendisi jáne qoǵamdyq qaıyrymdylyq qorynyń quryltaıshysy Perızat Qaırat ustalyp, oǵan qatysty tergeý júrgizilip jatqany belgili boldy.