Keshe túnde Astanadaǵy «Shanhaı» bazarynda órt boldy, zardap shegýshi bar - TJM
ASTANA. Tamyzdyń 2-si. QazAqparat - Keshe túnde Astanadaǵy «Shanhaı» bazarynda órt boldy, zardap shegýshi bar.
Qazaqstannyń Tótenshe jaǵdaılar mınıstrliginen habarlaǵandaı, órt tamyzdyń 1-inen 2-sine qaraǵan túni bazar aýmaǵyndaǵy «Halal» atty dámhana retinde jabdyqtalǵan vagonshadan shyqty. 40 sharshy metr aýmaqta ornalasqan dámhana tolyǵymen janyp ketti.
Jalyn sondaı-aq, jaqyn mańda ornalasqan azyq-túlik konteınerleriniń 10 sharshy metr jerine jaıyldy. Tilsiz jaýdyń jalpy sharpyǵan kólemi 50 sharshy metrdi qurady.
Órt saldarynan dámhananyń 19 jastaǵy qyzmetkeri kúıik jaraqattaryn alyp, aýrýhanaǵa jetkizildi.
Ot Astana qalasy boıynsha órtke qarsy qyzmetiniń 10 adamy men 3 tehnıkasynyń kúshimen eki jarym saǵattan keıin sóndirildi.
