Keshe respýblıkada oryn alǵan eki órttiń saldarynan 6 adam qaza tapty - TJM
ASTANA. Qarashanyń 28-i. QazAqparat - Keshe respýblıkada oryn alǵan eki órttiń saldarynan 6 adam qaza tapty,
dep habarlaıdy QazAqparat QR TJM baspasóz qyzmetine silteme jasap.
Mınıstrliktiń habarlaýynsha, juma kúni Oral qalasyndaǵy jeke turǵyn úıdiń 160 sharshy metrin sharpyǵan tilsiz jaýdy aýyzdyqtaý barysynda 4 azamattyń máıiti tabylǵan. Órt oblystyq tótenshe jaǵdaılar departamentiniń órt sóndirý qyzmetiniń kúshimen 2 saǵatqa jetpeı sóndirilgen.
Al Shyǵys Qazaqstan oblysyna qarasty Cheremshanka eldi-mekenindegi jeke turǵyn úıden shyqqan órtti sóndirý kezinde eki adamnyń denesi tabylǵan. Tilsiz jaý jarty saǵattyń ishinde aýyl turǵyndarynyń kúshimen aýyzdyqtalǵan. Oqıǵa ornyna órt sóndirý qyzmeti shaqyrylmaǵan.
