Keshe respýblıka joldarynda 3 adam qaza tapty
ASTANA. Qazannyń 30-y. QazAqparat - Ótken beısenbi kúni respýblıka joldarynda oryn alǵan jol-kólik oqıǵalarynyń saldarynan 3 adam mert bolyp, 10 adam túrli jaraqat aldy,
dep habarlaıdy QazAqparat TJM-ǵa silteme jasap.
Shyǵys Qazaqstan oblysy, Karamyshenskoe aýylynda«VAZ» jáne «Mıtsýbısı» avtokólikteri soqtyǵysyp, apat saldarynan birinshi avtokóliktiń júrgizýshisi men onyń jolaýshysy oqıǵa ornynda qaıtys boldy.
Sondaı-aq 19 saǵat 55 mınýtta, Qyzylorda oblysynyń Aqsý eldi mekeninde «Folksvagen» jáne «VAZ» mashınalary túıisip, jol-kólik oqıǵasy nátıjesinde «VAZ» avtokóliginiń jolaýshysy aýrýhanada jan tásilim etse, 6 adam túrli jaraqattarmen aýrýhanaǵa jetkizildi.
