Keshe Qazaqstannyń avtojoldarynda 2 adam qurban bolyp, taǵy bes adam zardap shekti - TJM
ASTANA. Jeltoqsannyń 5-i. QazAqparat - Ótken táýlikte respýblıka joldarynda oryn alǵan jol-kólik oqıǵalarynda bes adam zardap shegip, eki adam qaıtys boldy, dep habarlaıdy QazAqparat QR TJM-nyń baspasóz qyzmetine silteme jasap.
Máselen, jeltoqsannyń 4-i kúni saǵat 17.30-da, Almaty oblysy Kerbulaq aýdany, Saryózek-Qorǵas avtojolynyń 43-shi shaqyrymynda «Aýdı» avtokóligi aýdarylyp, apat saldarynan kóliktiń 50 jastaǵy jolaýshysy oqıǵa ornynda mert boldy. Júrgizýshi men onyń taǵy eki jolaýshysy túrli dene jaraqattarymen aýrýhana jetkizildi.
Osy kúni túńgi saǵat 02.00-de Ońtústik Qazaqstan oblysy Darhan aýyly, Frontovoe-Shynaz avtojolynyń 192-shi shaqyrymynda «BMV» jáne «Gazel» avtokólikteriniń soqtyǵysýy boldy. «BMV-nyń» 38 jastaǵy júrgizýshisi apat ornynda jan tásilim etse, ekinshi kóliktiń 23 jáne 49 jastaǵy jolaýshylary aýrýhanaǵa jetkizildi.
