Keshe qarly borany ábigerge salǵan Baıbýra asýyna monıtorıng jasaldy
Ótken táýlikte qutqarý operatsııasy júrgizilgen Kókpekti aýdanynda Baıbýra asýyndaǵy jaǵdaıǵa monıtorıng jasaldy.
Sondaı-aq qar qursaýynda qalǵan avtomobılderdi jylytý úshin jylý generatorlaryn jetkizý maqsatynda Abaı oblysy ákiminiń orynbasary Dmıtrıı Garıkov pen TJD bastyǵy Manarbek Shapaǵatov Qorǵanys mınıstrliginiń MI-17 tikushaǵymen shyqty.
Saǵat 17.00-degi jaǵdaı boıynsha oblystyń avtomobıl joldarynda avtokólik keptelisi joq.
Qazirgi ýaqytta avtomobılderdi jylytý jáne olardy eldi mekenderge tasymaldaý jumystary júrgizilýde.
Naqtylanǵan málimetter boıynsha 27 jeńil jáne 7 júk kóligi óz baǵytymen ketti.
Bul ýchaskede barlyǵy 78 adam jáne 30 tehnıka jumys isteýde.
Jýyrda qutqarylǵan barlyq adamdar jergilikti atqarýshy organdarmen turǵylyqty jerlerine jiberildi.
Esterińizge sala keteıik, aǵymdaǵy jyldyń 16 aqpanynda Kókpekti aýdanynda aýa raıynyń qolaısyzdyǵyna baılanysty 126 kólik, onyń ishinde 90 jeńil, 35 júk jáne 1 avtobýs qar qursaýynda qalǵan bolatyn.
