Keshe Qaraǵandy oblysy Osakarov aýdanynda 500 ga dalaly alqap órtke orandy
ASTANA. Qyrkúıektiń 9-y. QazAqparat - Keshe Qaraǵandy oblysy Osakarov aýdanyndaǵy Qurqopa aýylynda 500 ga dalaly alqap órtke orandy.
QR TJM-nyń aqparatyna sáıkes, ot sársenbi, qyrkúıektiń 8-i kúni 11 saǵat 20 mınýtta shyqqan. Abyroı bolǵanda qurbandar men zardap shekkender joq. Tilsiz jaý oblys boıynsha TJD órtke qarsy qyzmetiniń 4 adamy men 1 tehnıkasynyń jáne jergilikti 30 turǵyn men olardyń 4 tehnıkasynyń kúshimen 20.08-de toqtatylyp, eki saǵattan keıin tolyǵymen aýyzdyqtaldy.
Qyrkúıektiń 9-y, túngi saǵat 2.10-da Qaraǵandy oblysynda, sondaı-aq Ulytaý aýdany, Aqtas aýyldyq okrýgine qarasty Aqtas aýylynyń mańyndaǵy dalaly jerde osydan eki kún buryn tutanǵan órt tolyǵymen joıyldy. Oǵan oblys boıynsha TJD órtke qarsy qyzmetiniń 5 adamy men 1 tehnıkasy, jergilikti 17 turǵyn men 7 tehnıka jumyldyryldy.
