Keshe Almatyda bankomattan qomaqty qarajat tonaldy
ASTANA. Aqpannyń 3-i. QazAqparat /Jasulan Amanbaıuly/ - Keshe Almatyda ekinshi deńgeıli banktiń biriniń bankomatynan qomaqty qarajat tonaldy.
Bul týraly búgin aptalyq brıfıngte QR Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Almatydaǵy «LıýMır» saýda úıinde ornalasqan bankomat shamamen keshki saǵat 19.15 mınýtta ashylǵan. Beıne kameralar kórsetkenindeı, eki belgisiz adam qurylǵyny jóndeımiz degen keıippen ony buzyp, ishindegi iri mólsherdegi qarajatty qoldy qylǵan.
«Polıtsııa qyzmetkerleri birneshe saǵattardan keıin osy banktiń 26 jastaǵy ınkassator-kassırin ustady. Ol osy qylmysty óziniń úsh sybaılasymen birge iske asyrǵan. Kúdikti áıelden 2 mln. astam teńge tabylyp, tárkilendi», deıdi Q. Jumanov.
Qalǵan qylmyskerlerdi izdestirý is-sharalary júrgizilýde.
