Keshe Almaty oblysynda eki órt oqıǵasy boldy, adam shyǵyny bar - TJM
ASTANA. Qarashanyń 11-i. QazAqparat - Seısenbi kúni Almaty oblysynda bolǵan órt oqıǵalary eki adamnyń ómirin qıyp ketti,
dep habarlaıdy QazAqparat QR TJM-nyń baspasóz qyzmetine silteme jasap.
Janý oqıǵalardyń biri 5 saǵat 15 mınýtta, Qarasaı aýdany Alǵabas aýylyndaǵy turǵyn úılerdiń birinde 100 sharshy metr aýmaqta boldy. Órtti sóndirý barysynda er adamnyń máıiti tabyldy (tulǵasy anyqtalǵan joq). Tilsiz jaý QR TJM-nyń Almaty oblysy boıynsha Tótenshe jaǵdaılar departamenti órtke qarsy qyzmetiniń kúshimen 7 saǵat 50 mınýtta aýyzdyqtaldy.
Sondaı-aq osy kúni saǵat 22.55-te Talǵar aýdany Gúldala kentindegi turǵyn úılerdiń birinde órt shyqty. 80 sharshy metrge taraǵan jalyndy sóndirý barysynda 1938 jyly týǵan azamattyń denesi tabyldy.
