Kesek jeıtinderdiń aǵzasyna temir jetispeıdi – nýtrıtsıolog

ASTANA. KAZINFORM — Kesek jegisi kele beretin adamdardyń aǵzasyna kaltsıı jetispeıdi degen aqparat — mıf. Bul týraly nýtrıtsıolog maman habarlady.

— Eger sizdiń topyraqqa, kesekke, borǵa nemese kaltsıı glıýkonatqa áýestigińiz bolsa, bul sizdiń aǵzańyzda kaltsıı jetispeýshiligin bildirmeıdi. Bul mıf. Mundaı belgiler sizdiń aǵzańyzǵa temir jetispeıtinin bildiredi. Eger aǵzada jasyryn anemııa bolatyn bolsa, siz osyndaı zattarǵa áýes bolasyz. Eger aǵzańyzdaǵy temir jetispeýshilikti tolyqtyrar bolsańyz, kesek, topyraq syndy dúnıelerge degen áýestigińiz basylady, — deıdi Aıda Rahatova «Búgin LIVE» baǵdarlamasyna bergen suhbatynda.

Dáriger qazirgi ýaqytta dárýmen jetispeýshiligin tabıǵı ónimmen toltyrý qıyn ekenin aıtady.

— Qazir bizdiń ekologııalyq jaǵdaıymyz nashar. Soǵan baılanysty ósip jatqan alma syndy túrli jemis-jıdekterdi ósirý úshin nıtrattardy paıdalanady. Sondyqtan olardyń quramynda túrli pestıtsıdter bolady. Onyń bári ónimniń sapasyna áser etedi. Sondyqtan aǵzaǵa qajetti dárýmendi mundaı ónimder tolyq bere alady dep aıta almaımyz. Sol úshin syrttan dárýmender qabyldaý arqyly ımmýnıtetti kóterýimiz kerek, — deıdi nýtrıtsıolog.

Eske sala keteıik, kúnnen qorǵaıtyn kremdi kúndelikti qoldaný D vıtamıni mólsherine áser etýi múmkin.