«Kerýen» saýda ortalyǵynda jigitti soqqyǵa jyqqan adam ustaldy
NUR-SULTAN. QazAqparat - «Kerýen» saýda oıyn-saýyq ortalyǵynda jigitti soqqyǵa jyqqan kúdiktini astanalyq polıtseıler ustady, – dep habarlaıdy QazAqparat Polisia.kz saıtyna silteme jasap.
Bıylǵy jyldyń 9 qarashasynda saǵat 21.30 shamasynda «102» arnasyna Dostyq kóshesi boıyndaǵy «Kerýen» saýda oıyn-saýyq ortalyǵynda belgisiz bireýler tóbelesip jatqany týraly habarlama kelip túsken.
Polıtsııa 17 jastaǵy eki qyzǵa jigitterdiń kelip, tanysqysy kelgenin, oǵan kámeletke tolmaǵandardyń biri jaqyn jerdegi aǵasyn shaqyrǵanyn anyqtady. Kelgen boıda jastar arasynda janjal týyp, arty tóbeleske ulasqan. Krımınaldyq polıtsııa qyzmetkerleri júrgizgen jedel-izdestirý is-sharalarynyń barysynda kúdikti ustaldy. Ol 31 jastaǵy elorda turǵyny bolyp shyqty. Atalǵan fakti «Buzaqylyq» baby boıynsha sotqa deıingi tergeý amaldary júrgizilýde.
Polıtsııa departamenti elorda turǵyndary men qonaqtarynyń qaýipsizdigi úshin barlyq qajetti sharalardy atqarady. Saýda ortalyǵynyń janynan polıtsııany jedel shaqyrý termınaly ornatylyp, táýlik boıy patrýl júrgizilýde. Sondaı-aq, zańsyz áreketter bolǵan jaǵdaıda dereý polıtsııaǵa nemese 102 nómirine habarlasý kerektigin eske salady.
