«Kerýen» mańyndaǵy jol oqıǵasy: Saraptama qańtar aıynyń ishinde aıaqtalady
ASTANA. QazAqparat - Sot-psıhıatrııalyq saraptama «Kerýen» saýda oıyn-saýyq ortalyǵy mańynda «Infiniti» kóliginiń júrgizýshisi bergen túsiniktiń shynaıylyǵyn anyqtaıdy. Bul týraly «QazAqparat» agenttigine qalalyq prokýratýradan habarlady.
«Qazirgi kezde atalǵan is saraptama kezeńinde tur, ıaǵnı Jańa jyldyń qarsańynda sot-psıhıatrııalyq saraptama taǵaıyndalǵan bolatyn. Onyń nátıjesinde sarapshylar júrgizýshi boıynsha óziniń qorytyndysyn beredi. Osy oraıda onyń dálelderi qaralady, sondaı-aq onyń qanshalyqty shyndyqty aıtqandyǵy aıqyndalady. Saraptama qańtar aıynyń ishinde aıaqtalady dep kútilýde», - dedi Astana qalasy prokýratýrasynan.
Eske salsaq, 12 qarashada «Infiniti» avtomashınasynyń júrgizýshisi «Kerýen» OSO aýmaǵynda kólik turaǵynda turǵan «Toyota Camry» kóligimen soqtyǵysyp, keıin trotýarǵa shyǵyp, eki jaıaý júrginshini basyp ketedi. Sodan keıin basqa «Toyota» kóligimen soqtyǵysyp, ekpinin toqtatpaǵan kúıi aǵashqa urynǵan.
Aıta keteıik, bul oqıǵa qoǵamdyq rezonans týdyrǵan bolatyn.
