Kerrı men Olbraıt Tramptyń jarlyǵyna qarsy shaǵymdy qoldady
ASTANA. QazAqparat - Amerıkalyq joǵary qyzmettegi burynǵy sheneýnikter toby, sonyń ishinde AQSh-tyń burynǵy memlekettik hatshysy Djon Kerrı men Madlen Olbraıt AQSh-tyń prezıdenti Donald Tramptyń ımmıgratsııalyq jarlyǵyna qarsy shaǵymdy qoldaý maqsatynda saraptama qorytyndysyn appelıatsııalyq sotqa berdi, dep habarlaıdy NBC News telearnasy.
Senbi kúni belgili bolǵandaı, Sıetldegi federaldyq sot tyıym salǵannan keıin, AQSh-tyń ishki qaýipsizdik mınıstrligi Tramptyń ımmıgratsııalyq jarlyǵyn júzege asyrý boıynsha barlyq áreketti toqtatty. AQSh-tyń ádilet mınıstrligi senbi kúni Sıetldegi sottyń sheshimin apellıatsııaǵa berdi, keıinnen AQSh-tyń toǵyzynshy okrýginiń apellıatsııalyq soty bul shaǵymdy qabyldamady.
