Kerrı amerıkalyq teńizshilerdi bosatqany úshin Iranǵa alǵys bildirdi
ASTANA. QazAqparat - AQSh-tyń Memlekettik hatshysy amerıkalyq kemelerdiń Iran aýmaqtyq sýlaryn buzǵan jaǵdaıynda yqpaldasqany úshin Iranǵa alǵys aıtty.
Bul týraly AQSh memdepartamentiniń habarlamasynda aıtyldy.
Kýveıtten Bahreınge baǵyt alǵan AQSh ÁTK eki kateri Irannyń aýmaqtyq sýlaryna shyǵyp ketip, ustaldy. Qolǵa túsken on ekıpaj múshesiniń toǵyzy er adam jáne biri - áıel.
Sársenbi kúni Irannyń amerıkalyq teńizshilerdi bosatqany belgili boldy.
