Mılan qysqy Olımpıada oıyndaryna kerlıngten joldama alǵan alǵashqy quramalar belgili boldy

ASTANA. KAZINFORM — 2026 jylǵy Mılan-Kortına qysqy Olımpıada oıyndarynyń kerlıng sportynan alǵashqy joldamalar úlestirdi.

Halqaralyq olımpıada komıtetiniń habarlaýynsha, kerlıngten áıelder men erler arasyndaǵy, sonymen qatar aralas juptyq synda 2025 jylǵy álem chempıonatynyń aıaqtalýy jáne olımpıadalyq irikteý upaılarynyń túpkilikti úlestirilýinen keıin jeti áıelder komandasy jáne jeti erler komandasy 2026 jylǵy qysqy Olımpıada oıyndaryna joldama aldy.

Olımpıadany qabyldaýshy el retinde Italııa quramasy tikeleı joldamaǵa ıe boldy. Al qalǵan eki joldama ıegeri jeltoqsan aıynda ótetin Olımpıadalyq irikteý týrnıri arqyly anyqtalady.

Kerlıngten 2026 qysqy Olımpıada oıyndaryna joldama alǵan komandalar:

Erler:
1. Italııa (Qabyldaýshy el)
2. Kanada
3. Cheh Respýblıkasy
4. Germanııa
5. Ulybrıtanııa
6. Norvegııa
7. Shvetsııa
8. Shveıtsarııa

Áıelder:
1. Italııa (Qabyldaýshy el)
2. Kanada
3. Danııa
4. Ulybrıtanııa
5. Qytaı
6. Ońtústik Koreıa
7. Shvetsııa
8. Shveıtsarııa

Aralas jup:
1. Italııa (Qabyldaýshy el)
2. Kanada
3. Estonııa
4. Ulybrıtanııa
5. Norvegııa
6. Shveıtsarııa
7. Shvetsııa
8. AQSh

Eske salaıyq, 2026 jylǵy Olımpıada oıyndary 6-22 aqpan aralyǵynda Italııanyń Mılan jáne Kortına-d’Ampetstso qalalarynda ótedi. 

Osyǵan deıin habarlaǵanymyzdaı, Qazaqstan Ulttyq Olımpıadalyq komıteti 2026 jylǵy Olımpıada oıyndaryna resmı shaqyrtý aldy.