Kerlıngten qysqy spartakıadada almatylyqtar top jardy
ALMATY. QazAqparat - Almatyda kerlıngten qysqy spartakıada júldegerleri marapattaldy, dep habarlaıdy QazAqparat tilshisi.
Búgin Almaty Arena muz saraıynda kerlıngtan tórtinshi qysqy Spartakıada júldegerleri marapattaldy. Almaty aqparattyq jáne sporttyq HAB-tyń habarlaýynsha, jarysqa elimizdiń túkpir-túkpirinen kelgen 9 komanda qatysqan. Olar Almaty jáne Astana qalalary, Almaty, Aqmola, SQO, ShQO, Jambyl, Aqtóbe jáne Mańǵystaý oblystary. Kerlıng dodasy aınalym júıesi boıynsha búkilálemdik kerlıng federatsııasynyń (WCF) erejesine sáıkes qyzdar, uldar, aralas juptar, aralas komanda bolyp ózara myqtyny anyqtady. 
Jarys qorytyndysy boıynsha, uldar arasynda Almaty quramasy altyndy qanjyǵaǵa baılasa, Jambyl oblysynyń sportshylary kúmis enshiledi. Al men Soltústik Qazaqstan oblysynyń komandasy qolany qanaǵat tutty. Qyzdar arasynda Almaty quramasy birinshi orynǵa jaıǵassa,Soltústik Qazaqstan oblysynyń sportshylary ekinshi oryndy ıelendi. Al úzdik úshtikti Astana komandasy túıindedi. Aralas komanda saıysy boıynsha altyndy Almaty oblysy, kúmis pen qolany Mańǵystaý jáne Aqtóbe oblystary qanjyǵasyna baılady. Aralas juptardan Astana birinshi oryndy alsa, Aqmola men Shyǵys Qazaqstan oblystary ekinshi jáne úshinshi oryndarǵa jaıǵasty.
- Úshinshi spartakıadada 5 komanda bolatyn, al, bıyl olardyń sany 9-ǵa jetti. Bul óte qýanyshty jaıt, sebebi Almaty qomandasyna básekelestik paıda boldy. Kerlıng Olımpıada oıyndarynyń ishindegi eń jaqsy damyp jatqan sport túri, - dedi kerlıngten Qazaqstan quramasynyń bas bapkeri Vıktor Kım.
Spartakıadanyń jeńimpazdary men júldegerlerine medaldar men dıplomdar, sondaı-aq estelik syılyqtar tabystaldy.
- Spartakıada óte qyzyq boldy. Osynsha komanda qatysady dep oılamadyq, barlyǵy da osal emes. Biraq, biz sheberligimizdiń arqasynda jeńiske jettik. Árıne, sátsiz jerlerde boldy, alaıda barlyǵy jaqsy ótti, - dep óz oıymen bólisti Almaty komandasynyń oıynshysy Abylaıhan Júzbaı.
Aıta keter jaıt, kerlıngten qysqy Spartakıada Almaty Arena muz saraıynda jeltoqsannyń 11-i kúni bastalǵan bolatyn. Onymen qatar, bul jerde QR XV-shi chempıonaty, QR XIV-shi kýbogy jáne eden kerlınginen QR III-shi ashyq chempıonaty ótýde.
