Kerlıngten Qazaqstan erler quramasy Qyrǵyzstandy jeńdi

HARBIN.KAZINFORM – Kerlıngten Qazaqstan erler quramasy Qytaıdyń Harbın qalasynda ótip jatqan qysqy Azııa oıyndarynda tórtinshi matchyn ótkizdi.

Qazaqstan quramasy sapynda Abylaıhan Júzbaı, Aıdos Allııar, Ádil Jumaǵoja jáne Arman Erjanov óner kórsetti.

Bastapqy eki kezeńde eki komanda bir upaıdan enshiledi. Alaıda, qazaqstandyqtar úshinshi kezeńde jaqsy óner kórsetip, 3 upaı aldy.

Qyrǵyzstan quramasy esepti teńestirýge tyrysqanymen, otandastarymyz qatarynan eki kezeńde upaı enshilep, qorytyndy esepti 6:3-ke jetkizdi.

Osylaısha, el quramasy qazirgi ýaqytta eki ret jeńilip, eki ret jeńiske jetti.

Osyǵan deıin habarlaǵanymyzdaı, kerlıngten Qazaqstan erler quramasy qysqy Azııa oıyndarynyń alǵashqy oıynynda Qytaılyq Taıbeıdi 10:5 esebimen jeńdi. Ekinshi matchta otandastarymyz 1:4 esebimen Fılıppınnen jeńilip qaldy. Al úshinshi matynda Azııa qurlyǵynyń úzdigi Ońtústik Koreıamen kezdesip, 2:12 esebimen jeńilis tapty.

Kerlıngten Qazaqstan quramasynyń kapıtany Abylaıhan Júzbaı jáne sportshy Ermek Musaınov osyǵan deıin Kazinform tilshisine eksklıýzıv suhbat berdi.