Kerlıng sportynan Qazaqstan chempıonaty ótti

ASTANA.KAZINFORM — Astana qalasy «Saryarqa» muz aıdynynda kerlıng sportynan Qazaqstan chempıonaty óz máresine jetti.

Baıraqty básekeniń sońǵy kúni aralas juptyq fınaly ótip, ózara myqtyny anyqtady.
Qortyndysynda, Astana qalasy sportshylary chempıon atansa, Almaty obylysy kúmis medal, Qostanaı obylysy qola júldeni qanjyǵalady.

Eske sala ketsek, Kerlıngten Qazaqstan chempıonaty 18 aqpannan 27 aqpan aralyǵynda Astana qalasyndaǵy «Saryarqa» muz aıdynynda ótip jatyr. Baıraqty básekege elimizdiń 8 óńirinen 100-den astam sportshy qatysyp jatyr.

Chempıonat Ulttyq quramany jasaqtaý, halyqaralyq jarystarǵa irikteý jáne kerlıng sportyn óńirlerde damytý maqsatynda uıymdastyrylǵan.

Osyǵan deıin habarlaǵanymyzdaı, kerlıngten el birinshiliginde Astana qalasy aralas komandalyq synda top jardy.