Kereı men Jánibekti Alash Bekbazarı tárbıelegen bolýy múmkin – Jaqsylyq Sábıtov
ASTANA. KAZINFORM – Qazaq handyǵynyń bastaýynda turǵan Kereı men Jánibekti ákeleri Baraq pen Bolat handar ólgennen keıin Alash Bekbazarı tárbıelegen bolýy múmkin. Joshy ulysyn zertteý ǵylymı ınstıtýtynyń dırektory Jaqsylyq Sábıt Altyn Ordan dáýiriniń nýmızmatıkasyn zertteý derekteri osyndaı boljamǵa ákelgenin aıtady.
Kesheden beri Astanada «Joshy, Shaǵataı, Haıdý ulystary men Moǵolstannyń etnosaıası tarıhy» atty halyqaralyq ǵylymı praktıkalyq konferentsııa ótip jatyr.
Іs-sharany Joshy ulysyn zertteý ǵylymı ınstıtýty uıymdastyrǵan. Osy uıymnyń dırektory Jaqsylyq Sábıtov Kazinform tilshisine Altyn Orda dáýirindegi nýmızmatıkany zertteýdiń ǵylymı mańyzy týraly paıymyn aıtty.
«Konferentsııa kezinde táýelsiz zertteýshi Roman Reva oqyǵan baıandama qyzý pikirtalas týǵyzdy. Bul ǵalym bes jyl buryn soǵdy handarynyń monetalaryn jaryqqa shyǵardy. Ol buǵan deıin Alash Bekbazarıdiń moneta saraıy týraly maqala jarııalaǵan bolatyn. Bul esimniń áıgili Alashpen baılanysy bolýy múmkin. Ol Jánibek hannyń ákesi Baraqtyń dáýirindegi monetalardy basyp shyǵarǵan tulǵa bolyp esepteledi. Baraq pen Bolat ólgennen keıin osy Alash Bekbazarı Kereı men Jánibekti tárbıelegen bolýy ábden múmkin.
Almatyda sońǵy ret tabylǵan besinshi qazyna da tarıhı turǵydan qyzyqty. Qazir osy monetalardyń negizinde Syrdarııada bılik qurǵan áýletterdiń tarıhy týraly pikirtalas júrip jatyr», - deıdi tarıhshy.
Ǵalymnyń aıtýynsha, qazir ǵylymı ortaǵa Altyn Orda kezinen qalǵan 1 mıllıonnan astam moneta belgili.
«Onyń bir bóligi jeke qolda bolsa, bir bóligi memlekettik mekemeler saqtap otyr. Moneta degen tarıhı bilimniń tyń kózi deýge bolady. Jyl saıyn buryn belgisiz bolǵan monetalar tabylyp jatyr. Ókinishke qaraı, onyń bárin kópshilik bilip jatqan joq. Óıtkeni ǵylymı jańalyqtar aqparat aǵynynan shet qalyp jatady. Sońǵy tabystar týraly aıtsam, Syrdarııada 9-10 ǵasyrlarda bılik qurǵan oǵyz qaǵandarynyń monetalary tabyldy. Sol monetalar jańa esimderdi, jańa datalardy ashty. Osy monetalardyń arqasynda oǵyz memleketiniń sońǵy qaǵandary ıslam esimdi bolǵanyn bilip jatyrmyz», - deıdi Jaqsylyq Sábıtov.
