«Keremet oıyn kórsetti». Sarapshy Jánibek Álimhanulynyń sheberligine qaıran qaldy

ASTANA. QazAqparat - The Ring jýrnalynyń turaqty avtoryn Raıan Krıstofer Songalııa AQSh-tyń Kalıfornııa shtaty Oklendtegi boks keshinde jeńiske jetken qazaqstandyq boksshylar Jánibek Álimhanuly men Ashat Ýálıhanovtyń qalaı bokstasqany týraly óz pikirimen bólisti, dep habarlaıdy Sports.kz. 

«Jánibek keremet oıyn kórsetti, Ýálıhanovtyń sheberligi onsha kórinbedi. Onyń qarsylasynyń kórsetkishi keremet bolǵan joq, degenmen ekeýi jaqsy aıqasty. Ol jeńilýdi qalamaıtyn Tehastyń «tentek jigiti» bolyp shyqty», - dep esepteıdi boks týraly jazatyn tanymal amerıkalyq avtor. 

ESPN+ tikeleı efırden kórsetken boks keshi aıasyndaǵy qazaqstandyqtardyń aıqasy Top Rank promoýterlik kompanııasynyń qaramaǵyndaǵy alǵashqy jekpe-jek boldy. Top Rank - Vasılıı Lomachenko men Terens Kroýford sııaqty tanymal boksshylardyń múddesin qorǵaıtyn promoýterlik kompanııa.