Kerekýlik qazaq teatry respýblıkalyq synshylar júldesine ıe boldy
PAVLODAR. KAZINFORM — Qazaqstan teatr synshylarynyń birlestigi 2025 jylǵy otandyq teatrlar shyǵarmashylyq úderisteriniń baǵyt-baǵdaryn, repertýarlyq saıasatyn jəne kórkemdik izdenisterin anyqtaý maqsatynda júrgizilgen monıtorıng nátıjesin usyndy.
Synshylar júldesinde Pavlodar oblystyq J.Aımaýytov atyndaǵy qazaq mýzyka-drama teatry eki birdeı nomınatsııada jeńimpaz atandy. Atap aıtqanda, «Jyl akterlik ansambli» nomınatsııasyn «Peri qatyn» dramalyq absýrdymen jeńip aldy. Sondaı-aq, «Buqaralyq aqparat quraldarymen úzdik jumys jasaǵan teatr» nomınatsııasynda ekinshi jyl qatarynan úzdik shyqty.
— «Synshylar júldesi» — shyǵarmashylyq ujymdar men jekelegen óner ıeleriniń eńbegin ádil baǵalap, teatr qaýymdastyǵy úshin kásibı baǵdar men rýhanı yntalandyrýdyń aıryqsha belgisi. Qazaqstan teatrlarynyń búgingi shyǵarmashylyǵy men tynys-tirshiligindegi zamanaýı úrdister men úderisterdi der kezinde aıqyndap, olarǵa baǵa berý maqsatynda dástúrli túrde ótkizilip keledi. Bul keshte tek úzdikter anyqtalyp qana qoımaı, otandyq teatr ujymdarynyń jyl qorytyndysy usynyldy. Teatr synshylary júrgizetin monıtorıng respýblıkamyzdyń túkpir-túkpirinde sahnalanǵan premeralardy qamtıdy, — dep atap ótti «Qazaqstan teatr synshylary birlestiginen.
Buǵan deıin londondyq rejısser Pavlodar teatrynda Brehtiń «Peri qatyn» dramasyn sahnalaǵanyn jazǵanbyz.