Kerekýde shybyn-shirkeıdi ýlaý sharalaryna tramvaılar jumyldyrylady
PAVLODAR. KAZINFORM - Qalalyq tramvaı basqarmasy bul sharýaǵa 5 tramvaı bóldi. Kólik quraldary bıologııalyq preparatty shashatyn qondyrǵylarmen jabdyqtalady.
Bul týraly Pavlodar qalasynyń basshysy Hasar Habylbekov habarlady.
«Tramvaı basqarmasy shybyn-shirkeıdi ýlaý jumystaryna 5 vagon bóldi. Olarǵa preparat shashatyn jabdyqtar qoıylǵan. Tramvaılar túngi ýaqytta qala kóshelerine shyǵyp, preparattardy búrkedi», dep málimdedi ákim.
Qazirgi ýaqytta dezınsektsııalyq jumystardy júrgizýge arnalǵan brıgadalardyń sany da ulǵaıǵan. Sáýir aıynyń basynan beri qala boıynsha 10 turǵyn úıdiń jertólesi shybyn-shirkeıge qarsy óńdeldi. Al 25 sáýirden beri qala aýmaǵyndaǵy sý aıdyndarynyń mańaıynda ýlaý sharalary júrgizilip jatyr. Búginde aýmaqtyń 90 paıyzyna preparat shashylǵan.
Al«Zelenaıa roşa» demalys aımaǵy men ońtústik sý jınaǵyshyndaǵy sorǵy stansasy mańynda óńdeý sharalary erteń bastalýy múmkin. Ǵylymı top ókilderi bul aýmaqtaǵy qansorǵyshtardyń dernásilderi áli belsendilik tanytyp otyrǵan joq deıdi.
Eske sala keteıik, Pavlodar oblysynda shybyn-shirkeıge qarsy hımııalyq óńdeletin aýmaq kólemi ulǵaıyp, 127 myń gektar jerge bıologııalyq preparat shashylady
Pavlodarǵa shybyn-shirkeıdi áýeden ýlaıtyn 8 ushaq ushyp keldi.
