Kereký jerine tartylǵan ınvestıtsııalar 9 myń jumys ornyn qurýǵa múmkindik beredi

PAVLODAR. KAZINFORM - Pavlodar oblysynda ekonomıkanyń oń ósimi baıqalyp otyr. Óńdeý ónerkásibi jyl basynan beri 9,3 paıyzǵa ósip, 621 mlrd teńgeniń ónimi shyǵarylǵan.

Ónim kólemi kólik jasaý salasynda - 47%, rezeńke jáne plastmassa buıymdary óndirisinde - 45%, qurylys ındýstrııasynda - 47%, metallýrgııada - 7%, munaı ónimderin óndirýde - 3,4% jáne jıhaz óndirisinde 82%-ǵa ósti.

«Jalpy tartylǵan ınvestıtsııalar 2 esege ulǵaıdy. Ónerkásip óndirisiniń ósý qarqynyn jáne ınvestıtsııalardyń ósimin saqtaý maqsatynda jalpy somasy 2 trln teńge bolatyn 50 jobamen jumys júrgizilip jatyr. Bul 9 myńnan astam jańa jumys ornyn qurýǵa jáne ónerkásip óndirisiniń kólemin 400 mlrd teńgege deıin ulǵaıtýǵa múmkindik beredi. Jyl sońyna deıin ınvestıtsııa kólemi 100 mlrd teńgeden asatyn 7 jobany iske qosý josparlanǵan», - dep habarlady Pavlodar oblysynyń ákimdiginen.

Bıyl Ekibastuzda «EkibastuzFerroAlloys» kompanııasy jylyna 240 myń tonna ferrosılıtsıı shyǵarýǵa qaýqarly ferroqorytpa zaýytyn iske qosýdy josparlap otyr. Bul 800 jańa jumys ornyn qurýǵa múmkindik beredi.