KEREK KEŃES: Shomylatyn oryndardan juǵatyn aýrý túrleri
ASTANA. QazAqparat - Jazdyń jaıdarly kúnderinde sergýdiń bir joly - shomylý. Shomylý - densaýlyqqa óte paıdaly. Degenmen, kópshilikke arnalǵan demalys oryndarynda juqpaly aýrýlardan saq bolǵanyńyz abzal, dep jazady «Massaget» portalynyń Densaýlyq aıdarynda.
Demalys oryndaryna barǵanda gıgıenalyq tazalyq qanshalyqty saqtalatynyna kóz jetkizý qajet. Sonymen, shomylatyn oryndardan qandaı aýrý túrlerin juqtyrý qaýpi bar.
- Jynystyq joldar arqyly beriletin (ZPPP) aýrýlardy juqtyrý qaýpi bar. Olar - ýretrıt, pıelonefrıt, tsıstıt t.b. aýrýlar bolýy múmkin.
- Dermatomıkoz aýrýyn juqtyryp alýyńyz múmkin.
- «A» gepatıti de kóbine shomylý oryndarynan juǵady.
- Gerpes - kózdiń shyryshty qabyǵynyń aýrýy da kópshilik shomylatyn oryndardan juǵady.
- Tumaý jáne ORZ aýrýlary juǵady.
- Lıamblıoz - parazıtti juqpaly aýrýynyń vırýsy da sý arqyly jyldam taralady.
- Túrli teri aýrýlaryn juqtyryp alýyńyz múmkin.
Shomylatyn oryndardan aýrý juqtyrmas úshin arnaıy maılardy paıdalaný qajet. Sonymen qatar, sýdan shyqqannan keıin, ystyq dýsh qabyldap, tazalanyp jýyný kerek.
Eskertý: Denede jaraqat bolǵan jaǵdaıda shomylatyn oryndarǵa barmaǵan abzal. Ondaı jaǵdaıda jaraqat asqynyp ketýi múmkin. Sondaı-aq, mamandar 2 jasqa tolmaǵan balany basseınge túsirmeýge keńes beredi. Sebebi, hlorlanǵan sý sábıdiń terisine keri áserin tıgizip, tynys alý joldarynyń qabynbaly aýrýlaryna, demikpe dertine shaldyqtyrýy múmkin eken.
