KEREK KEŃES: Mıdy sergitýdiń 10 tásili
ASTANA. QazAqparat - Tańerteń uıqydan turý bir ýaıym bolsa, turǵannan soń tıimdi jumys isteý - ekinshi ýaıym. Al ónimdi jumys bolýy úshin mıyńyz jaqsy jumys isteýi tıis. Nazarlaryńyzǵa mıdy sergitýdiń 10 jolyn usynamyz.
1. Fızıkalyq jattyǵý
Fızıkalyq jattyǵýlar bulshyq etterińizdi shynyqtyryp qana qoımaı, mıyńyzdyń múmkinshilikterin de arttyrady, óıtkeni belsendi qozǵalys kezinde qan aınalymy jaqsaryp, bulshyq etterińiz ben mıyńyz jaqsyraq jumys isteıtin bolady.
2. Kofe emes, sý ishińiz
Tańerteń kofe ishý sergitýdiń ornyna, kerisinshe mı jumysyn tejeıtini týraly kóptegen zertteýler júrgizilgen. Al eger ony qarapaıym taza sýmen almastyrsańyz, sergektik sezimi áldeqaıda uzaǵyraq bolmaq. Ash kezde ishken taza sý as qorytý júıesin belsendirip, kofege qaraǵanda, shyryshty qabyqty titirkendirmeıdi.
3. Hosh ıisti adam nazaryn kúsheıtedi
Ádette adamdar hosh ıisti árdaıym ańǵara bermeıdi. Alaıda dál osy hosh ıister adam nazaryn kúsheıtip, sergektik beredi. Aromaterapııa mamandary bazılık, gúlsheten, jaýjapyraq, jebirshóp, raýshan jáne lavanda hosh ıisteri zeıin qoıýǵa jaqsy kómektesedi.
4. Optımızm
Jaıbaraqat ortada kez kelgen jumys, sonyń ishinde aqyl-oı jumysy ońaı atqarylady. Degenmen, ondaı múmkindik árkimde bola bermeıdi. Sonda da óz nazaryńyzdy ómirińizdiń, jumysyńyzdyń tek jaqsy jaqtaryna qoısańyz, jumystyń ónimdiligi áldeqaıda ósedi.
5. Basqatyrǵyshtar
Mıdy jattyqtyrýdyń tıimdi joldarynyń biri - áralýan basqatyrǵyshtardy, sózjumbaqtardy sheshý mıdyń qabiletterin kúsheıtedi.
6. Telearnalardy jáne ondaǵy baǵdarlamalardy suryptap baryp kórý
«Telearnalar oılaý deńgeıin tómendetedi» degen pikir qalyptasqany jasyryn emes. Degenmen, kez kelgen nárseni kóre bermeı, baǵdarlamalar aqyl-oımen suryptap baryp kórseńiz, kóptegen paıdaly dúnıelerdi tabasyz.
7. Internetten aqparatty izdeńiz
Internette aqparat izdeý adam mıyn kitap oqýdan da qatty sharshatatynyn rastaıtyn kóptegen zertteýler bar. Biraq bul ınternettiń qajetsiz ekenin esh bildirmeıdi. Bastysy aqparat izdeý kezinde durys suraq qoıa bilý.
8. Durys tamaqtaný
Sanaly oı men este saqtaý qabiletin jaqsartýdyń birden-bir joly - durys tamaqtaný, ıaǵnı ratsıonymyzda azyq-túlikter men jemis-jıdekter kóp bolýy tıis. Árıne, anda-sanda tátti jeýge de bolady. Alaıda, adam mıy glıýkozaǵa zárý eken dep, táttige «otyryp» qalýǵa taǵy bolmaıdy.
9. Shópter
Dástúrli jáne halyqtyq medıtsınada shópter adamnyń kognıtıvti qabiletterin edáýir jaqsartatyny moıyndalady.
10. Tanyp bilýdi toqtatpańyz
Qabilettiligi eń joǵary mıdyń ózi jumyssyz tursa, meńireýlene bastalady. Sol úshin oǵan árdaıym jańa taprsyrmalar oılap taýyp otyrý qajet. Mysaly, shet tilin oqý, sýret salýdy meńgerý, kýlınarııa sabaqtaryn alý jáne t.b.
El.kz saıtynan alyndy.
