KEREK KEŃES: Kúsh-qýatty qalaı arttyrýǵa bolady?
ASTANA. QazAqparat - Aýyr eshteńe istemeseńiz de, kúshińizdiń qaıda ketkenin bilmeı basyńyz qatqan kezder bolǵan shyǵar. Denińiz saý ári baqytty bolǵyńyz kelse, tek qana fızıkalyq jattyǵýlar jasaý azdyq etedi. Ol úshin ishki jan dúnıeńiz de durys bolý kerek. Shyǵys medıtsınasy rýhanı jutańdaýshylyq pen azǵyndaý jaǵdaıynda adamdar túrli aýrýǵa shaldyǵatynyn jasyrmaıdy. Sizdiń kúsh-jigerińizdi alyp, álsizdendiretin tómendegi segiz erejemen tanys bolyńyzdar, dep jazady «Massaget» portaly.
1. Aıaǵyna deıin bitirmegen isińiz
Eger bir isti bastap, sońyna deıin bitirmeseńiz, kúsh-qýatyńyzdyń qaıda ketkenin bilmeı, del-sal kúı keshesiz. Aıtylǵan nárseni, júktelgen tapsyrmany ýaqytynda oryndaýǵa tyrysyńyz. Al eger qolyńyzdan kelmese, ýaqytyńyz bolmasa, bosqa áýrege salynbaı-aq qoıyńyz.
2. Ótirik
Adamdar jalǵan sóılegen kezde kóp energııasynan aırylady. Sebebi, ony oıdan qurastyrý ońaı sharýa emes. Sondyqtan, ózińizdi de, ózgeni de aldap, kúsh-jigerińizdi qurtpańyz.
3. Qorqynysh, senimsizdik, óshpendilik
Qorqynysh pen senimsizdik kezinde kúshińiz tez joıylady. Óıtkeni, aǵzańyzǵa kúızelisti bastan keshirý qıynǵa soǵady.
4. Ártúrli nárseni oılap ýaıymdasańyz
Eger siz kúni boıy bir nársege alańdap, ýaıymdap júrseńiz, kúsh-qaıratyńyz qalmaıdy. Túkke turǵysyz zatty oılap, óz-ózińizdi jegideı jeı bermeńiz.
5. Bos áńgime kezinde
Ásheıin dámsiz, mánsiz áńgimeniń ózine qanshama kúshińizdi jumsaısyz. Ony úndemeı júrgennen keıin sezinesiz.
6. Renish, ókpe
Ár adam - ashyq energetıkalyq júıe. Eger árkim bireýge renjip, ókpeleı berse, onda álsizdene beredi. Sol sebepti týma-týys, aǵaıyn-baýyr, dostaryńyzǵa eshqashan ókpelemeı, kerisinshe kúshti qarym-qatynasta bolyńyz.
7. Uıqynyń jetispeýi
Eger uıqyńyz qanbasa, kóńil-kúıińiz bolmaı, kúni boıy mazańyz ketip, maýjyrap júresiz. Eń áýeli uıqyny retke keltirgenińiz jón.
8. Artyq tamaq jeý jáne zııandy ádetter
Tamaqty qomaǵaılanyp jegenniń kesirinen aǵzańyz túrli aýrýǵa shaldyǵyp, dármensiz kúıde bolasyz. Sondyqtan, zııandy ádetterdi qoıyp, ýaqytymen, mólsherimen tamaqtanǵanyńyz durys.
