KEREK KEŃES: Adam aǵzasyna asqabaqtyń paıdasy qandaı?

Asqabaq, kókónis pe, jıdek pe?

Óte qyzyq, asqabaq kókónis qataryna jatpaıdy. Óıtkeni, qaýyn, qarbyz jáne asqabaq jıdek sanalady eken. Al jıdektiń taǵamdyq qunary mol ekeni barshaǵa belgili. Sonymen, asqabaq týraly ne bilemiz?

Tańdaǵanda salmaǵy 3-5 kelige jetetin asqabaqty alǵan jón. Mundaı salmaq asqabaq úshin qalypty sanalady. Sonymen qatar, qabyǵy juqa, al ulpasy qalyń bolady.

Onyń ústine, ulpanyń paıdasy óte zor ári dáni de qunarly. Asqabaqty jıi paıdalaný ishekqurttardan qutylýǵa kómektesedi. Er adamdardyń densaýlyǵy úshin dáni de óte paıdaly. Prostatıt sekildi aýrýlardy emdeý úshin de qoldanylady.

Dáýrmender men mırkoelementter

Asqabaq dániniń taǵy qandaı paıdasy bar? Asqabaq ulpasynda paıdaly dárýmender men mıkroelemenetterdiń kóp mólsheri kezdesedi. Mysaly, E, V jáne RR dárýmenderin kez kelgen jemis-jıdekterden taba alasyz. Al K jáne T dárýmenderin kezdestirý qıyndaý. K dárýmender toby qannyń qoıýlanyp qalmaýyn retteıdi.

Álem dıetologtary artyq salmaqpen kúresetin adamdarǵa asqabaq jeýdi usynady. Aryqtaý úshin bul jıdek taptyrmaıtyn qural. Óıtkeni, asqabaqta zat almasýdy jyldamdatatyn ári as qorytýdy jaqsartatyn T dárýmeni bar. Sondyqtan, asqabaqty et taǵamdaryna arnalǵan eń úzdik garnır deýge tolyq negiz bar.

Asqabaq shyryny

Asqabaqtan daıyndalǵan shyrynnyń paıdasy óte zor. Ásirese, qan azdyqqa qarsy keremet em. Óıtkeni, shyryn quramynda temirdiń mólsheri óte kóp. Sondaı-aq, asqabaq ulpasynda kaltsıı men kalıı óte kóp. Karotın kólemi de asqabaqta sábizge qaraǵanda joǵary. Sol sebepti, kózi nashar kóretin adamdarǵa asqabaq shyrynyn usynýǵa bolady.

Asqabaq shyryny búırek, baýyr jáne qýyq qalbyrshaǵy úshin em. Bul úshin asqabaqty shıkileı jegen durys. Eger ol dámsiz kórinse, qaınatyp alyńyz. Aıta ketý kerek, asqabaq ulpasynda kalıı tuzy bar. Іsh ótip aýyrǵanda da asqabaq shyrynyn ishýge keńes beredi.

Balalar úshin

Emshektegi sábıler úshin asqabaqtan dámdi pıýre daıyndaýǵa bolady. Alqyzyl tústegi zattar balalardyń allergııasyn qozdyrady dep oılaýdyń qajeti joq. Bul durys emes. Bul jıdek eshqashan allergııa shaqyrǵan emes. Sondyqtan, emshektegi sábıler úshin asqabaq paıdaly ári dámdi taǵam. Asqabaq quramyna jasunyq, A prodárýmeni jáne pektındi zattar enedi. Asqabaqtan pıýre jasap qana qoımaı, shyrynyn berseńiz de bolady. Asqabaq shyryny sábiz nemese alma shyrynymen keremet úılesim tabady.

Balǵyn asqabaqtan daıyndalǵan botqa emdik qasıetterge baı. Sondyqtan, teri aýrýlaryna emdeýge kóp paıdalanady.

Jatar aldynda balmen aralasqan bir stakan asqabaq shyrynyn ishseńiz, uıqyńyz tynysh bolady.
Foto: © specialityproduce.com

Kerek keńes Internetten alyndy.