Kerchtegi kolledjde bolǵan jarylystan 10 adam qaza tapty
KERChЬ. QazAqparat - Kerch qalasyndaǵy polıtehnıkalyq kolledjde jarylys boldy. Aldyn ala aqparatqa sáıkes, 10 adam qaza bolyp, 20-dan astamy aýrýhanaǵa jetkizilgen, dep jazady TASS.
Tergeý komıteti jarylys faktisi boıynsha qylmystyq is qozǵady.
Lańkestikke qarsy Ulttyq komıtettiń málimetinshe, oqıǵa saldarynan 50-ge jýyq adam zardap shekken.
«Kolledjge jaqyn aýmaq qorshaýǵpa alyndy, ǵımaratta bolǵan adamdardy qaýipsiz jerge kóshirý bastaldy. Zardap shekkender qalanyń medıtsınalyq mekemelerine jetkizildi. Olarǵa qajetti medıtsınalyq jáne psıhologııalyq kómek kórsetilýde», - dep naqtylady komıtette.
Qaladaǵy qoǵamdyq kólik jarylystan zardap shekkenderdi tasymaldaý úshin qoldanylýda. Qalalyq Kólik basqarmasynyń Jolaýshylardy tasymaldaý bóliminde kólik quraldarynyń sanyn naqtylaǵan joq.
Komıtet aqparatynsha, Kerchte anyqtalmaǵan jarylǵysh qural jarylǵan. Mundaı jarylystyń qaıtalanbaýy úshin tıisti sharalar qoldanylýda. Quqyq qorǵaýk organdary bolǵan oqıǵanyń sebepterin anyqtaý ústinde.
Jarylys bolǵan kolledj gazdy otynmen jabdyqtalmaǵan edi.
