Kerchte qaza bolǵandar sany 20 adamǵa jetti
KERChЬ. QazAqparat - Kerch qalasyndaǵy jarylystan qaza tapqandar sany 20 adamǵa jetti. Bul týraly TASS habarlaıdy.
«Kolledjde qaza bolǵandar sany - 20 adam. Sońǵy katafalk máıithanaǵa úsh adamnyń emes, tórt adamnyń máıitin jetkizdi. Taǵy bir adam tabylǵan», - dedi qalalyq ákimshilik basshysynyń orynbasary Dılıaver Melgazıev.
Oqıǵadan qaza bolǵandardyń barlyǵynyń týystary máıitterdi tanydy.
Agenttiktiń habarlaýynsha, «Lańkestik» baby boıynsha qozǵalǵan qylmystyq is keıin «Adam óltirý» babyna ózgertilgen.
Eske sala keteıik, keshe Kerch qalasyndaǵy polıtehnıkalyq kolledjde jarylys boldy. Aldyn ala aqparatqa sáıkes, 10 adam qaza bolyp, 20-dan astamy aýrýhanaǵa jetkizilgen.
