Keri sanaq: Quryltaı saılaýyna 5 kún qaldy
ASTANA. KAZINFORM – Qazaqstanda 23 tamyz kúni Quryltaı depýtattarynyń saılaýy ótedi. Elimiz úshin mańyzdy saıası naýqanǵa 5 kún qaldy
Astana ákimdiginiń málimetinshe osyǵan deıin elordanyń birqatar kórnekti nysanynda Qazaqstan Respýblıkasy Quryltaıy depýtattarynyń saılaýyna deıingi keri sanaq iske qosylǵan bolatyn. Arnaıy aqparattyq tablolar alyp sholý dóńgelegine jáne «Qazaqstan temir joly» ulttyq kompanııasynyń ǵımaratyna ornalastyryldy.
Sondaı-aq Syǵanaq pen Túrkistan kósheleriniń qıylysynda ornalasqan 3D LED-ekrannan da keri sanaq kórsetile bastady.
Ekrandarda daýys berýge deıin qalǵan kúnder sany kórsetilip, elorda turǵyndary men qonaqtaryna aldaǵy mańyzdy saıası oqıǵa eske salynady.
Aıta ketelik Quryltaı saılaýy týraly barlyq aqparat bir saıtta: «Quryltaı LIVE» platformasy iske qosyldy.
