Kepilde bolǵan aqtóbelik áıel aýrýhanadan shyqty

AQTÓBE. KAZINFORM – Kepilde bolǵan 40 jastaǵy áıel aýrýhanadan shyqty. Ol emin emhanada jalǵastyrady. 

Aqtóbe oblystyq kópsalaly aýrýhanada em qabyldaǵan áıel úıine shyqty.

- Naýqastyń jalpy jaǵdaıy jaqsardy, densaýlyǵy qalypqa tústi. Ol emin ózi tirkelgen emhanada jalǵastyrady, - dep habarlady oblystyq densaýlyq saqtaý basqarmasynyń baspasóz qyzmeti.

Eske salsaq, 13 qańtar kúni túnde Aqtóbede túnde 75 jáne 67 jastaǵy qos qarııa kóz jumdy. Al tiri qalǵan 40 jastaǵy áıel aýrýhanada bir apta jatyp, em qabyldady. Ony travmatologtarmen birge psıhologtar emdedi.

Osy oqıǵadan soń Qylmystyq kodekstiń «Adam óltirý», «Adamdy kepilge alý» baptary boıynsha is qozǵalyp, tergeý júrip jatyr.